Long long time wi nuh have nuh nice time

Di police an di tugs dem lock di city a night time

An every evening when wi turn to prime time

Si prophecies fulfilling cause wi know dis a end times


Di Bible tell wi se di people dem di affi suffa

An dere’d be terrible times an now wi si di dutty tuffa

Fi all di wicked an di righteous tings getting tuffa

So a di Faada wi a go fah


Chorus


Faada God Help! Faada God Help!

Fi all di yutes dem inna di struggle inna di ghetto inna di slum now

Help! Faada God Help!

Fi all di maddas weh a moan an all a bawl because har pickney dead

Help! Faada God Help!

Fi all di faadas weh a wuck so hard an still cyaah find di food fi eat

Help! Faada God Help!

Wi interceding for di people Faada Help wi now



Di olda people dem remember di good times

Di nice times, di right times an even di fun times

Neva use to sing di songs wid di gun rhymes

Di good ole days when love did deh pan di front line

All di babies an di sucklings mek wi come togedda

An show di wise dem how God seh wi fi love one anadda

Not religion or a oofah preachin style wi preffa

Fi di yutes dem weh a suffa



Chorus


Fi all who tink dem naav nuh hope an nuh future

Just give yuh life to Jesus Christ, nuh watch dem bad yute yah

Love yuh family love yuh neighbours love yuh enemy

Dat is how di Faada tell us it’s suppose to be

Yuh tink seh wickedness deh bout, well yuh nuh si wicked yet

When yuh hear di trumpet soun’ mek sure yuh naah go regret

And when yuh hear di roll a call mek sure yuh naah go get leff

Mek Jesus Christ clean up yuh mess!



Chorus

Verse 1

Mi tek a walk over Cassava Piece an ask di yutes fi keep di peace, nuh badda wid the killing and the strife

Den mi tek a walk over Jungle ask di yutes fi humble nuh badda tek another man life

Den mi tek a walk over Tivoli and ask God fi deliver wi, every man, woman and child

And den mi end up inna Trench Town, dats when mi affi bow down and lift my voice to the Most High.


Chorus

An cry why why why, why di yutes a die die die

Mi seh di yutes in di city, dem seem to have no pity, but mi know seh most a dem want a bly

An cry why why why, why di yutes a cry cry cry

Sufferation, starvation an nuttin pan dem plate, Father open up di golden gate


Verse 2

Mi tek a walk goddung a Matches Lane and ask the Lord fi heal di pain cause Mama son gone down in vain

Den mi mek two rally back an when mi check a dung a August Town

So mi beg di Father come down.

Mi reach a Drews Land and Fletcher land, mi beg a brother give a hand

Come we go over Pane Land

Because a peace and Love and unity inna di Inner City we promote across the nation


Chorus


Bridge

Come mek wi seek Ye first, the kingdom of God, YEA and you’ll find LOVE that will change your heart

It will change your life and make you brand new

It will bring joy, bring joy!!!!!!!


Chorus

Mi cry why why why, why di yutes a die die die

Mi seh di yutes in di city, dem seem to have no pity, but mi know seh most a dem want a bly

An cry why why why, why di yutes a cry cry cry

Sufferation, starvation an nuttin pan dem plate, Father open up di golden gate.